Jol saqshylarynyń jasyryn patrýldeýi zańdy — ІІM
ASTANA. KAZINFORM — ІІM Ákimshilik polıtsııa komıtetiniń tóraǵasy Qaısar Sultanbaev ortalyq kommýnıkatsııalar qyzmetinde ótken baspasóz máslıhatynda jasyryn patrýldeý sharalarynyń zańsyzdyǵyn aıtyp synaýshylarǵa jaýap berdi.
«Aqparat quraldary polıtsııanyń jasyryn patrýldeýi qanshalyqty zańdy áreket ekenin belsendi talqylap jatyr. Polıtsııanyń belgilenbegen avtokólikte jasyryn patrýldeýi Іshki ister organdary týraly, Jol júrisi týraly zańdarda kózdelgen mınıstrliktiń ishki buıryqtarynda bar ekenin birden naqtylaımyn. Óz kezeginde atalǵan zańdar QR Konstıtýtsııasynyń talaptaryna sáıkes ázirlenip qabyldanǵan. Bul — búkilálemdik tájirıbe», — dedi Qaısar Sultanbaev.
Onyń paıymdaýynsha, jolda polıtsııanyń turýy júrgizýshilerdi tártipke keltirip, apattar sanyn azaıtady.
«Jasyryn patrýldeýdiń maqsaty — jappaı jazalaý emes, kerisinshe, kez kelgen buzýshylyqtan aýlaq bolý kerek ekenin jetkizý. Óıtkeni polıtsııa eldiń búkil joldaryn baqylaıdy. Buǵan bolashaqta avtobýstar men jedel járdem kólikterinde ornalasqan kameralar da yqpal etedi», — dedi ol.
