Joǵarǵy Sot janynan Qoǵamdyq keńes qurylýy múmkin

ASTANA. QazAqparat - Búgin Parlament Májilisi Zańnama jáne sot-quqyqtyq reformalar komıtetiniń keńeıtilgen otyrysy bolyp ótti. Onda «Qazaqstan Respýblıkasynyń sot júıesi men sýdıalarynyń mártebesi týraly» QR Konstıtýtsııalyq zańyna ózgerister men tolyqtyrýlar engizý týraly» zań jobasy talqylandy.

Atalǵan qujat laýazymǵa kandıdattardy irikteý konkýrsynyń rásimderin jetildirýge, sýdıa laýazymdaryna kadrlyq rezervtiń róli men mánin arttyrýǵa baǵyttalǵan. Atap aıtqanda, jobaǵa sáıkes sýdıa laýazymdaryna kadr rezervin qalyptastyrýda Joǵarǵy Sot pen Joǵary Sot Keńesi ózara kelisýi tıis.

Sonymen qatar, sýdıa laýazymdaryna kandıdattardy irikteý jumysyna jurtshylyqtyń rólin arttyrý maqsatynda oblystyq sottar janynda konsýltatsııalyq-keńesshi organ - Qoǵamdyq keńes qurý usynylady. Buǵan qatysty depýtattar ondaı keńesti oblystyq sottardyń emes, Joǵarǵy Sot janynan qurýdy usyndy.

Budan bólek, zań jobasy boıynsha jergilikti jáne basqa da sottardyń tóraǵalary men alqa tóraǵalarynyń laýazymdaryna úmitkerlerdi irikteý barysynda basshy sýdıa laýazymdarynyń kadrlyq rezervinde turǵan adamdarǵa basymdylyq berý kózdeledi.

Budan bólek, Memleket basshysynyń sýdıalar qyzmetiniń áleýmettik jáne materıaldyq jaǵdaılaryn arttyrý týraly tapsyrmasyna oraı birqatar ózgerister engiziledi.