Joǵarǵy Sot Vladımır Kozlovtyń isin shilde aıynda qaraıdy

ASTANA 3 shilde. QazAqparat - Joǵarǵy Sot Jańaózen oqıǵasyna baılanysty sottalǵan Vladımır Kozlovtyń isin shilde aıynda qaraıdy.

Bul týraly búgin BAQ ókilderine QR Joǵarǵy Sotynyń Tóraǵasy Bektas Beknazarov málim etti.

«V. Kozlov isi boıynsha jeke otyrys ótedi. Ol jaıynda sizder qulaqdar bolasyzdar. Sot zalyna da qatysyp, tyńdap V. Kozlov isine qatysty máseleniń mán-jaıyn halyqqa jetkize alasyzdar. Meniń oıymsha, shilde aıynyń ishinde V. Kozlov isi qaralady. Biz qazirgi ýaqytta isti talap ettik. Onyń qadaǵalaý qoldaýhaty zerdelený ústinde. Biz ony obektıvti túrde qarastyramyz»,-dedi B. Beknazarov.