Joǵarǵy sot Vladımır Kozlovqa qatysty qadaǵalaý óndirisin qozǵaýdan bas tartty
«QR Qylmystyq ister júrgizý kodeksiniń 464-babynyń 1 bóliginiń 2-tarmaǵyn basshylyqqa alyp, sýdıalar qaýly etti. Qorǵaýshy Venera Sársenbınanyń sottalǵan Vladımır Kozlovtyń múddesin qorǵap keltirgen ótinishi boıynsha qadaǵalaý óndirisin qozǵaýdan bas tartý jóninde sheshim qabyldandy. Ótinish qanaǵattandyrýsyz qaldyryldy", -dedi Joǵarǵy sot sýdıasy Morıak Shegenov.
Aıta keteıik, búgingi otyrys barysynda V.Kozlovtyń qorǵaýshysy V. Sársenbına aqtaý úkimin shyǵarýdy suraǵan edi.
Esterińizge sala keteıik, «Alǵa!» tirkelmegen oppozıtsııalyq partııanyń kóshbasshysy Vladımır Kozlov sot sheshimimen 2011 jyldyń jeltoqsanynda Jańaózen qalasynda oryn alǵan tártipsizdikte aıypty dep tanylyp, jalpy rejımdegi kolonııada jeti jarym jyl bas bostandyǵynan aıyrý jazasyna kesildi. Ol QR QK-niń 164 babynyń 3 bólimi, 170 babynyń 2 bólimi jáne 235 babynyń 1 bólimimen qarastyrylǵan qylmystardy jasaǵany úshin aıypty bolyp tanyldy.
Sot ókimine sáıkes, onyń Oral qalasyndaǵy úsh jer ýchaskesi men eki kóligi, sondaı-aq Qazaqstannyń 13 qalasyndaǵy páterleri tárkilendi. Budan basqa, Vladımır Kozlovtan Almatyda onyń kóligin tekserý kezinde tabylǵan 9,5 myń dollar, jáne «Alǵa!» tirkelmegen partııasynyń keńsesinde tabylǵan 2 myń dollar tárkilendi.
