Joǵarǵy sot pen Parlament arasynda turaqty dıalog qajet
ASTANA. KAZINFORM – Astana qalasynyń mamandandyrylǵan aýdandaralyq ákimshilik sotynyń ǵımaratynda Parlament Májilisiniń depýtattary men ákimshilik sottar sýdıalarynyń ákimshilik is júrgizýdi odan ári damytý máseleleri aıasynda jumys kezdesýi ótti. Bul týraly Joǵarǵy sottyń baspasóz qyzmeti málim etti.
Astana qalasynyń mamandandyrylǵan aýdandaralyq ákimshilik sotynyń ǵımaratynda Parlament Májilisiniń depýtattary (zańnama jáne sot-quqyqtyq reforma, áleýmettik-mádenı damý, ekonomıkalyq reforma jáne óńirlik damý, halyqaralyq qatynastar, qorǵanys jáne qaýipsizdik, ekologııa jáne tabıǵatty paıdalaný, qarjy jáne bıýdjet, agrarlyq máseleler jónindegi komıtetteri) men ákimshilik sottar sýdıalarynyń ákimshilik is júrgizýdi odan ári damytý máseleleri aıasynda jumys kezdesýi ótti.
— Kezdesý qoldanystaǵy Ákimshilik rásimdik-protsestik kodeksiniń (ÁRPK) tıimdiligin, qoldanystaǵy sot jáne ákimshilik praktıkany jan-jaqty taldaýǵa ári ákimshilik ádilet ınstıtýtyn odan ári jetildirý jóninde usynystar ázirleýge arnaldy, — delingen habarlamada.
Qazaqstan Respýblıkasy Joǵarǵy Sotynyń ákimshilik ister jónindegi sot alqasynyń tóraǵasy Aslan Túkıev azamattardyń quqyqtary men bıznestiń zańdy múddelerin ákimshilik organdardyń zańsyz áreketterinen qorǵaý quraly retinde ákimshilik ádilettiń mańyzdylyǵyn atap ótti.
Óz kezeginde, depýtat Magerram Magerramov Joǵarǵy Sotpen ákimshilik ádiletti zańnamalyq qamtamasyz etý máseleleri boıynsha yntymaqtastyqty tereńdetýge múddelilik tanytty.
Kezdesýge qatysýshylar syn-qaterlerge jedel den qoıý jáne zańnamalyq negizdi jetildirý úshin Joǵarǵy Sot pen Parlament arasynda turaqty dıalog qajettiligi týraly ortaq pikirge keldi.
Buǵan deıin habarlanǵandaı, Qazaqstan Túrki memleketteri uıymy Joǵarǵy sottarynyń konferentsııasyna qatysty.