Jınaqtaýshy zeınetaqy salymshylarynyń ınvestıtsııalyq tabysy 872 mlrd teńgege jetti
«2020 jylǵy 1 qyrkúıektegi jaǵdaı boıynsha salymshylardyń (alýshylardyń) zeınetaqy jınaqtary 2020 jylǵy qańtar-tamyzda 1 440,9 mlrd teńgege nemese 13,3%-ǵa artyp, 12 241,4 mlrd teńge boldy»,– dep habarlady Ulttyq banktiń baspasóz qyzmeti.
2020 jyldyń basynan beri taza ınvestıtsııalyq kiris 871,9 mlrd teńgeni qurady. Mindetti zeınetaqy jarnalary boıynsha salymshylardyń jeke zeınetaqy shottarynyń sany 11 mln-ǵa jetti.
2020 jylǵy qańtar-tamyzda zeınetaqy tólemderiniń somasy 117,5 mlrd teńge boldy.
2020 jylǵy 1 qyrkúıekte BJZQ-nyń jıyntyq ınvestıtsııalyq portfeliniń negizgi úlesin Qazaqstan Respýblıkasynyń memlekettik baǵaly qaǵazdary jáne Qazaqstan Respýblıkasy emıtentteriniń memlekettik emes baǵaly qaǵazdary (tıisinshe zeınetaqy aktıvteriniń jalpy kóleminiń 43,5%-y jáne 26,4%-y) alady.