Jyljymaıtyn múlik obektilerine mekenjaı berý erejesi ózgeredi

ASTANA. KAZINFORM — Qazaqstanda 2025 jylǵy 22 shildeden bastap «Jyljymaıtyn múlik obektisine mekenjaı berý/joıý» memlekettik qyzmetin kórsetý qaǵıdalaryna engizilgen ózgerister kúshine enedi. 

Memlekettik qyzmet isteri agenttiginiń Qostanaı oblysy boıynsha departamentiniń málimdeýinshe, erejedegi negizgi jańashyldyqtyń biri — memlekettik qyzmet nátıjesin usyný formatynyń ózgerýi. 

Buryn tek mekenjaıdy berý nemese joıý faktisin rastaý kerek bolsa, endi azamattarǵa mekenjaı berilgeni týraly resmı habarlama-hat nemese dáleldi bas tartý joldanady. 

Sondaı-aq qyzmet kórsetýden bas tartýǵa negiz bolatyn sebepterdiń tizbesi keńeıtildi. Buǵan deıin bul tek eki jaǵdaıda, ıaǵnı usynylǵan qujattyń shynaıy bolmaýy nemese talaptarǵa saı kelmeýi kezinde ǵana múmkin edi. Endi mundaı negizderdiń sany beske deıin ulǵaıtyldy. 

Qoldanystaǵy erejeden bólek, kelesideı sebepter qosyldy:

— zańdy kúshine engen sot sheshimimen qyzmetti júzege asyrýǵa tyıym salynýy;
— sot sheshimimen ótinish berýshini arnaıy quqyqtan aıyrý;
— jeke derekterdi óńdeýge kelisimniń bolmaýy.

Atalǵan ózgerister azamattar úshin, memlekettik qyzmetti alý protsesin barynsha ashyq ári quqyqtyq jaǵynan naqty etýge baǵyttalǵany aıtyldy. 

Eske salaıyq, elimizde jyljymaıtyn múlikti alyp-satýdy onlaın rásimdeýge bolady. 

Sondaı-aq jyl basynda eldegi jyljymaıtyn múlikti saqtandyrý qunyna sholý jasaǵan edik.