Jylyoı aýdany: 3461 otbasyna 1,277 mlrd teńgeniń bir rettik tólemi jasaldy

ATYRAÝ. KAZINFORM – Atyraý oblysynyń Jylyoı aýdanyndaǵy 3461 otbasyna 1,277 mlrd teńgeniń bir rettik áleýmettik kómegi tólendi. 

Atyraý oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Azamat Mámbetovtiń aıtýynsha, sý tasqynynan zardap shekken otbasylarǵa bir rettik áleýmettik kómek berilip jatyr.

«Tasqyn sýdan zardap shekken turǵyndarǵa 100 aılyq eseptik kórsetkish mólsherinde birjolǵy áleýmettik kómek berý uıǵaryldy. Onyń mólsheri – 369 myń 200 teńge. Osyǵan baılanysty búgin, 24 sáýirde Jylyoı aýdanynyń turǵyndarynan 3732 ótinish qabyldandy. Arnaıy komıssııanyń taldaýynan keıin 3461 turǵynǵa birjolǵy materıaldyq kómek tólendi. Jergilikti bıýdjetten turǵyndarǵa tólengen qarjynyń jalpy somasy 1 mlrd 277 mln teńgeni qurady», - dep habarlady Azamat Mámbetov. 

Eske sala ketelik, budan buryn Jylyoı aýdanyndaǵy sý tasqynynan zardap shekken 3271 otbasyna 1,2 mlrd teńge tólengenin jazǵan edik.

Sondaı-aq, Serik Shápkenov Qulsarydaǵy sý basqan aýmaqty tazartý mamyrǵa deıin aıaqtalatynyn aıtqan edi.