Jyl sońyna deıin el boıynsha 112 jaıly mektep paıdalanýǵa beriledi

ASTANA. KAZINFORM — Onyń 45%-y aýyldyq jerlerde salynady, dep habarlaıdy Oqý-aǵartý mınıstrliginiń baspasóz qyzmeti.

Qazaqstanda zamanaýı, qaýipsiz jáne qoljetimdi bilim berý ortasyn qurýǵa baǵyttalǵan «Jaıly mektep» ulttyq jobasy qarqyndy júzege asyp jatyr.

— Memleket basshysynyń tapsyrmasy aıasynda 2025 jyldyń sońyna deıin 206 myń oryndyq 112 mektep paıdalanýǵa beriledi. Onyń 45%-y aýyldyq jerlerde salynady, — delingen mınıstrlik taratqan aqparatta.

Aıta keteıik, 2024 jyly jańa formattaǵy 105 mektep esigin aıqara ashqan bolatyn. Ulttyq joba balalardyń turǵylyqty jerine qaramastan, zamanaýı talaptarǵa sáıkes keletin sapaly tegin bilimge teń qol jetkizýi úshin jaǵdaılar jasaıdy. Ol mektepterdiń materıaldyq-tehnıkalyq bazasyn jaqsartyp qana qoımaı, oqýshylardyń shyǵarmashylyq jáne zııatkerlik qabiletterin damytýǵa yqpal etetin bilim berý ortasyn qalyptastyrýǵa baǵyttalǵan. «Jaıly mektep» ulttyq jobasy aıasynda jalpy 460 myń oryndyq jańa formattaǵy 217 mekteptiń qurylysy josparlanǵan.

Buǵan deıin Aqtóbede «Jaıly mekteptiń» sany qysqarǵany belgili boldy.