Jyl saıyn polıtsııaǵa túngi ýaqytta júrgeni úshin 100 myńnan astam jasóspirim jetkiziledi

ASTANA. KAZINFORM – Jyl saıyn polıtsııa bólimshelerine túngi ýaqytta júrgeni úshin 100 myńnan astam jasóspirim jetkiziledi. Bul týraly Іshki ister mınıstrliginiń Ákimshilik polıtsııa komıteti tóraǵasynyń orynbasary Renat Zulhaıyrov aıtty.

Onyń sózine qaraǵanda, sońǵy 5 jylda elimizde jasóspirimder jasaıtyn qylmys sany tómendep kele jatyr. Al, quqyq buzýshylyqtar ata-analar tarabynan balaǵa tıisti baqylaýdyń joqtyǵynan oryn alýda. 

«Elimizde jyl saıyn 100 myńnan astam kámeletke tolmaǵan bala túngi ýaqytta kóshede ata-anasyz júrgeni úshin poıltsııa organdaryna jetedi. Olar qylmystyń qurbany bolýy nemese ózderi de túrli jat áreketter jasaýy múmkin», - dedi ol Ortalyq kommýnıkatsııalar qyzmetindegi dóńgelek ústel barysynda.

Renat Zulhaıyrovtyń dereginshe, osy jyldyń qańtar-sáýir aılary aralyǵynda balalary túngi ýaqytta eresekterdiń qaraýynsyz júrgeni úshin 39 myń ata-ana ákimshilik jaýapkershilikke tartylǵan. Munan bólek, túngi ýaqytta jasóspirimderge túrli qyzmetter kórsetken 1,2 myńnan astam kásipker de jazaǵa tartylyp otyr.