Jyl basynan beri jer úıden shyqqan órtten 200-den asa adam qaza tapty

Jyl basynan beri turǵyn úı sektorynda bolǵan órt 203 adamnyń ómirin jalmady. Bul týraly Úkimet otyrysynda Tótenshe jaǵdaılar mınıstri Syrym Sháriphanov málim etti, dep habarlaıdy Kazinform agenttigi. 

«Jyl saıyn jylytý kezeńiniń bastalýymen órt sany óse bastaıdy. Jalpy, turǵyn úı sektorynda olardyń sany jyl basynan beri 4 myńnan asty. 203 adam qaza tapty, 193 adamnyń denesin kúıik shaldy jáne ýlandy. Órt kezinde qaza tapqandar sanynyń artýy Shymkent qalasynda, Jambyl, Aqtóbe jáne Qaraǵandy oblystarynda baıqalyp otyr», - dep baıandady Tótenshe jaǵdaılar mınıstri Syrym Sháriphanov.

Qosa ketsek, elimizde jyl saıyn 10 myńnan astam órt bolady. Saldarynan úsh júzden astam adam mert kóz jumady. 

Órttiń kóbi, odan qaıtys bolý faktileri de turǵyn úı sektorynda tirkelgen.