Jyl basynan beri sý sharýashylyǵy qyzmetkerleriniń jalaqysy 25% ósti
ASTANA. KAZINFORM — Bıyl 450-den astam sý salasynyń mamany biliktilik arttyrý kýrstarynan ótedi. Bul týraly QR Sý resýrstary jáne ırrıgatsııa mınıstrliginiń baspasóz qyzmeti málim etti.
Mınıstrliktiń málimetinshe, 2024 jyly sý salasynyń 450-den astam qyzmetkeri mamandandyrylǵan ortalyqtardyń janyndaǵy biliktilik arttyrý kýrstarynan ótedi. Búgingi tańda mınıstrlik sý salasy mamandarynyń biliktiligin arttyrý qaǵıdalaryn ázirlep jatyr. Sonymen qatar, Sý resýrstary jáne ırrıgatsııa mınıstrligi janynan sý qoryn paıdalaný jáne qorǵaý, sýmen jabdyqtaý, sý burý jáne ırrıgatsııa salasyndaǵy kásiptik biliktilik jónindegi salalyq keńes quryldy. Keńestiń erejeleri jáne kásiptik standarttardy ózektendirý jónindegi jumys jospary bekitildi, onyń negizinde sý salasynyń mamandaryn daıarlaý jónindegi bilim berý baǵdarlamalary jańartylatyn bolady.
«Óńirlerdegi stýdentter sý sharýashylyǵy uıymdarynda óndiristik praktıkadan ótip, odan ári jumysqa ornalasýy úshin JOO-larmen yntymaqtastyq týraly memorandýmdar jasaýdy josparlap otyrmyz. Sonymen qatar, osy jyldan bastap keıbir sý sharýashylyǵy qyzmetkerleriniń jalaqysy 25%-ǵa ósti. Mundaı is-sharalar sý salasyndaǵy mamandyqtardyń bedelin arttyryp, stýdentterdi magıstratýra men doktorantýrada oqýyn jalǵastyrýǵa, al saladaǵy mamandardy biliktiligin arttyrýǵa, onyń ishinde «Bolashaq» baǵdarlamasy boıynsha da bilimin shyńdaýǵa yntalandyrýy tıis, – dedi QR Sý resýrstary jáne ırrıgatsııa mınıstri Nurjan Nurjigitov.
