Jyl basynan beri Qytaıdan Qazaqstanǵa 10,2 mlrd tekshe metr sý keldi

ASTANA. KAZINFORM — Bıyl alǵashqy alty aıda Qazaqstanǵa Qytaıdan Ertis ózeni arqyly 4,6 mlrd tekshe metr jáne Іle ózeni arqyly 5,6 mlrd tekshe metr sý keldi. Bul týraly Sý resýrstary jáne ırrıgatsııa mınıstrligi málim etti.

Іle ózeni arqyly kelgen sý ekinshi jyl qatarynan Almaty oblysyndaǵy Qapshaǵaı sý qoımasyn 100% toltyrýǵa múmkindik berdi.

Bul óz kezeginde Balqash kóline 8,52 mlrd tekshe metr sý jiberýge múmkindik berdi. Nátıjesinde 2025 jyldyń basynan beri Balqash deńgeıi orta eseppen 32 sm-ge, ıaǵnı Baltyq júıesi boıynsha 341,55 metrden 341,87 metrge deıin ósti.

— QHR-men yntymaqtastyq tek transshekaralyq ózenderdi ǵana qamtymaıdy. Bıyl naýryz aıynda Qazaqstan men Qytaıdyń sý vedomstvolary alǵash ret ózara túsinistik pen yntymaqtastyq týraly Memorandýmǵa qol qoıdy. Qujatta resýrstardy tıimdi ári turaqty paıdalanýdy qamtamasyz etý, zamanaýı tehnologııalardy engizý, balamaly sý kózderin bólý jáne ıgerý, sondaı-aq tájirıbe almasý men birlesip kadrlar daıarlaý jónindegi yntymaqtastyqty nyǵaıtý kózdelgen, — dedi Sý resýrstary jáne ırrıgatsııa mınıstrligi Qytaı jáne Reseımen sý salasyndaǵy yntymaqtastyǵy basqarmasy basshysy Naǵıma Ájiǵulova.

Al nelikten Qazaqstan kórshi eldermen sý máselesin sheshe almaı otyrǵanyn myna siltemeden oqı alasyz.