Jyl basynan beri qatty paıdaly qazbalardy barlaýǵa 320 lıtsenzııa berildi
2024 jyldyń birinshi jartyjyldyǵynda jer qoınaýyn paıdalanýǵa 333 lıtsenzııa berildi, onyń 320-sy qatty paıdaly qazbalardy barlaýǵa jáne 800-den astam ótinimdi qaraý nátıjesinde 13-i qatty paıdaly qazbalardy óndirýge berilgen.
Mindettemelerdi oryndamaý saldarynan jer qoınaýyn paıdalanýǵa 32 lıtsenzııa men 22 kelisimshart toqtatyldy. Mamyr aıynda qatty paıdaly qazbalardy barlaý quqyǵyna elektrondy aýktsıon ótkizilip, qol qoıylatyn bonýsynyń somasy 89 mln teńgeden astam somany qurady. Sondaı-aq 20 mamyrda Soltústik Qazaqstan oblysyndaǵy Obýhovskoe ken ornyn óndirý quqyǵy boıynsha aýktsıon ótti. Mınıstrlik 2024 jylǵy 12 tamyzda qatty paıdaly qazbalardyń balanstyq qory bar 23 ken orny boıynsha elektrondyq aýktsıon ótkiziletinin jarııalady.
«Mınıstrlik ınvestıtsııalardy tartý maqsatynda zańnama men rásimderdi jeńildetý boıynsha belsendi jumys júrgizýde. Qazirgi ýaqytta ınvestıtsııalyq ahýaldy jaqsartýǵa jáne jer qoınaýyn paıdalaný salasyn jaqsartýǵa baǵyttalǵan eki zań jobasy ázirlenip jatyr. Zań jobalaryn talqylaýǵa memlekettik organdardyń, „Atameken“ UKP-nyń, salalyq qaýymdastyqtar men bıznes-qoǵamdastyqtardyń ókilderi qatysty», — dep jazdy Ónerkásip jáne qurylys mınıstrliginen.
Odan bólek, Qazaqstan 2007 jyldan beri Óndirýshi salalardyń ashyqtyǵy bastamasynyń (ÓSAB) qatysýshysy bolyp tabylady. 2024 jyldyń 1 sáýirinde ÓSAB talaptaryna sáıkestikti rastaýdyń kezekti rásimi bastaldy. 5 shildede Múddeli taraptardyń ulttyq keńesi ÓSAB iske asyrý týraly 17-shi Ulttyq baıandamany jáne 2024 jylǵa arnalǵan jumys josparyn daıyndaý boıynsha tehnıkalyq tapsyrmany bekitti. Mınıstrlik valıdatsııanyń mańyzdy kórsetkishi bolyp tabylatyn esepti daıyndaý úshin táýelsiz ákimshini tańdaý boıynsha memlekettik satyp alýdy bastady.
Mınıstrlik «minerals.gov.kz» Jer qoınaýyn paıdalanýshylarǵa arnalǵan biryńǵaı platformasynda qyzmet kórsetý boıynsha bıznes-protsesterdi avtomattandyrýdy jalǵastyrýda. Qazirgi ýaqytta platformada 3500-ge jýyq paıdalanýshy tirkelgen, jyl sońyna deıin birqatar memlekettik aqparattyq júıelerdi platformamen ıntegratsııalaýdy aıaqtaý josparlanýda.
