Jyl basynan beri 18 aqtóbelik koronavırýs ınfektsııasynan emdeldi

AQTÓBE. KAZINFORM – Aqtóbe oblysynda bıyl 18 adam koronavırýs ınfektsııasyn juqtyrdy. Kóbi qala turǵyndary.

Aqtóbe oblystyq sanıtarııalyq-epıdemıologııalyq baqylaý departamentiniń bas mamany Nurgúl Іztileýovanyń aıtýynsha, qazir óńirde epıdjaǵdaı turaqty. 

- Koronavırýs ınfektsııasyn juqtyrǵan 18 adamnyń 16-y Aqtóbe qalasynyń turǵyny. Sonymen birge Muǵaljar jáne Shalqar aýdandarynyń turǵyndary da aýyryp, em qabyldady. Tórteýi 14 jastaqa deıingi baladan anyqtaldy. Qalǵany eresekter arasynda tirkeldi. Vırýs juqtyrǵandardyń ekeýinde aýrý belgileri anyqtalmaı, jasyryn ótti,- dedi Aqtóbe oblystyq sanıtarııalyq-epıdemıologııalyq baqylaý departamentiniń bas mamany Nurgúl Іztileýova.

Onyń aıtýynsha, QR Bas memlekettik sanıtarlyq dárigeriniń qaýlysyna sáıkes 1 qyrkúıekten bastap tumaýǵa qarsy vaktsınatsııalaýǵa daıyndyq júrgizilip, 15 qyrkúıekte ekpe beriledi. 

- Medıtsınalyq uıymdarda medıtsına qyzmetkerleri maska taǵady. Koronavırýs ınfektsııasy boıynsha budan ózge shekteý bolmaıdy,- Nurgúl Іztileýova.

Aıta keteıik, Aqtóbege tumaýǵa qarsy Grıppol vaktsınasynyń 109 myń dozasy jetkiziledi. 

Eske salsaq, Aqtóbede qazirgi kezde 14 medıtsına nysanyna kúrdeli jóndeý júrgizilip jatyr. 

Kóktemgi sý tasqyny kezinde Aqtóbede 4 emdeý ornyna sý kirdi. Onyń ekeýi múlde jaramyz bolyp qaldy. Qalǵan eki nysan jóndeledi.