Jyl basynan beri 100-den astam bala terezeden qulap ketken

ASTANA. KAZINFORM — Bıyl 102 bala ashyq terezelerden qulap zardap shekti. Bul jaıynda Tótenshe jaǵdaı mınıstrliginen habarlandy. 

Qazaqstanda jyl saıyn kún jylyna bastaǵanda, sondaı-aq jazǵy demalys kezinde balalardyń terezeden qulaýy jıilep, jazataıym oqıǵalar kóbeıedi. 

Mundaı faktiler tirkelgen kezde balalar aýyr jaraqat alyp, múgedek bolyp qalady nemese kóz jumatynyn atap ótken jón.

Jyl basynan beri 112 shuǵyl áreket etý qyzmetiniń kezekshi pýltine 102 habar tústi.

Apat saldarynan jeti adam qaıtys boldy, qalǵan 95-i ártúrli jaraqatpen aýrýhanaǵa jatqyzyldy.

Ótken jyly osyndaı 170 oqıǵa tirkelgen. 

Qazaqstan TJM qaýipsizdik erejelerin eske salady.