JI negizderin onlaın formatta qaıdan oqýǵa bolady

ASTANA. KAZINFORM – Astana Hub basqarýshy dırektory Valerııa Te ortalyq kommýnıkatsııalar qyzmetinde ótken baspasóz máslıhatynda jasandy ıntellekt negizderin onlaın formatta qaıdan oqýǵa bolatynyn aıtty.

- Onlaın formattaǵy tegin kýrstarǵa toqtalsaq, biz úsh seriktestik jobany usynamyz. Birinshisi – «JI negizderi: ChatGPT» kýrsy. Bul kýrs Lerna jáne Skillbox platformalarymen birlesip ázirlengen. Bul kýrsqa 220 myńnan astam adam tirkelip, 124 myńnan astamy oqýdy sátti aıaqtady.

Ekinshisi – Udacity platformasymen birlesken QazCoders baǵdarlamasy. Baǵdarlama 4 kýrstan turady, onyń biri JI-ge arnalǵan. Naýryz aıynda iske qosylyp, 4000 adamdy qamtydy.

Úshinshisi – «Derekterdi taldaý jáne Python negizderi». Bul endi «ıAndeks Praktıkýmmen» seriktestikte júzege asqan joba. Sáýirde iske qosylyp, 1500-den astam qatysýshyny tartty, - dedi Valerııa Te.

Atalǵan kýrstarǵa tegin qatysý úshin Astana Hub mobıldi qosymshasyn júktep, AI Movement bóliminen ózi qalaǵan kýrsty tańdaý kerek.

Buǵan deıin NU ınjeneri Anar Sandyǵulova aýtızm ereksheligi bar balalardy jasandy ıntellektige negizdelgen robot terapııasy arqyly ońaltý ádistemesin ázirlegenin jazǵan edik.