JI múgedektik dárejesin anyqtaý úshin qoldanylýy múmkin
ASTANA. KAZINFORM – QR Eńbek jáne halyqty áleýmettik qorǵaý mınıstrligi múgedektik tobyn belgileý úshin medıtsınalyq-áleýmettik saraptama júrgizý barysynda qoldanylatyn jasandy ıntellekt modelin ázirlep jatyr.
Jasandy ıntellekt medıtsınalyq qujattardan derekterdi taný jáne qurylymdaý júıesi retinde paıdalanylmaq. Bul usynylǵan málimetterdiń tolyqtyǵyn anyqtaý, dıagnozdardy eńbekke qabilettilikten aıyrylý dárejesimen (aýrý túrleriniń halyqaralyq jiktemesine sáıkes) salystyrý, sondaı-aq qorytyndy sheshim boıynsha usynymdar berý sııaqty protsesterdi avtomattandyrýǵa múmkindik beredi.
Bul quraldy engizý rásimderdiń ashyqtyǵyn qamtamasyz etip, barlyq kezeńde adamı faktordy joıady, múgedektik tobyn anyqtaý kezindegi sybaılas jemqorlyq táýekelderin barynsha azaıtady.
Qazirgi ýaqytta JI modelin oqytý, elektrondyq qujattardy usyný úshin aqparattyq júıelerdi ıntegratsııalaý, klınıkalyq dıagnozdy rastaıtyn barlyq emdeý-dıagnostıkalyq, zerthanalyq jáne aspaptyq zertteýlerdi tsıfrlandyrý jáne qurylymdalǵan túrde berý jumystary júrgizilip jatyr.
Daıyndyq kezeńi aıaqtalǵannan keıin kýálandyrýdyń jańa formatyn pılottyq rejimde aprobatsııalaý josparlanyp otyr.
Aıta keteıik, SQO-da jol sapasyn tekserýge jasandy ıntellekt qoldanylyp jatyr.