JEZQAZǴAN OBLYSYNYŃ AÝMAǴYNDA ULYTAÝ OBLYSYN QURÝ QAJET

NUR-SULTAN. QazAqparat –Jezqazǵan oblysynyń aýmaǵynda Ulytaý oblysyn qurý qajet. Bul týraly QR Prezıdenti Qasym-Jomart Toqaev Qazaqstan halqyna Joldaýynda aıtty, dep habarlaıdy QazAqparat tilshisi.

«Taǵy bir másele. Burynǵy Jezqazǵan oblysynyń aýmaǵynda Ulytaý oblysyn qurý qajet. Jezqazǵan qalasy qaıtadan oblys ortalyǵy bolady. Bul aımaqta derbes oblys qurý – ekonomıkalyq qana emes, rýhanı jaǵynan da mańyzdy sheshim», - dedi Memleket basshysy.

Prezıdent keń baıtaq qazaq jeriniń dál júreginde ornalasqan Ulytaýdyń tól tarıhymyzdaǵy orny erekshe ekenin basa aıtty.

«El taǵdyry sheshilgen uly jıyndar osynda ótken. Saryarqanyń tórinde ornalasqan bul aımaqtyń týrıstik áleýeti óte zor. Onyń óndiristik qýatyn, logıstıkalyq múmkindigin utymdy paıdalaný kerek. Bir sózben aıtqanda biz Ulytaý aımaǵynyń damýyna jol ashamyz», - dedi Qasym-Jomart Toqaev.