Jetisýlyq jas ǵalym shybynnan tyńaıtqysh ázirledi
ASTANA. KAZINFORM — Jetisýlyq jas ǵalym «qara sarbaz» shybyny arqyly ekologııalyq tehnologııalardy ázirlep jatyr. Bul týraly Ǵylym jáne joǵary bilim mınıstrligi habarlady.
І.Jansúgirov atyndaǵy Jetisý ýnıversıtetiniń bıotehnologııa jáne ekologııa ǵylymı-zertteý ınstıtýtynyń kishi ǵylymı qyzmetkeri, jaratylystaný ǵylymdarynyń magıstri Aıgerim Qambarova shybynnan tyńaıtqysh ázirledi.
Jas ǵalym «qara sarbaz» shybynyn ósirip, shybynnyń dernásilderinen jemshóp qospasyn jáne organıkalyq tyńaıtqysh ázirledi. Jas ǵalymnyń aıtýynsha, qazirgi ýaqytta azyq-túlik qaýipsizdigi men jer qunaryn saqtaý ózekti másele bolyp otyr.
— Búginde aýyl sharýashylyq janýarlaryna arnalǵan tabıǵı jemshóp qospalarynyń tapshylyǵy sezilip, topyraq tozyp barady. Osy olqylyqtyń ornyn toltyrý úshin «qara sarbaz» shybynyn paıdalanyp, organıkalyq tyńaıtqysh oılap taptyq. Bul jobany júzege asyrý úshin kúrdeli tehnologııalyq sheshimder qajet emes. Shybyndar men dernásilderdi ońtaıly klımattyq jaǵdaılarmen qamtamasyz etý arqyly ony jyl boıy ósirýge bolady, — deıdi jas zertteýshi.
Aıta ketelik «Ortalyq Azııa — Qytaı» sammıti: 2026 jyldy ǵylymı zertteýler jyly dep jarııalaý usynyldy.