Jetisýda feldsherler bir otbasyny órtten qutqaryp qaldy

ASTANA. KAZINFORM –  Eskeldi aýdanynyń №6/6 jedel járdem brıgadasy shaqyrtýdan qaıtyp kele jatqanda, Tekeli jaqtaǵy tas jolda janyp jatqan úıdi baıqady.

Densaýlyq saqtaý mınıstrligi málimetinshe, Feldsherler Ǵabıt Erǵajy, Damıra Rahımova jáne júrgizýshi Murat Sátekov birden is-qımylǵa kóshken. Olar toqtap, sırena men jaryq sıgnalyn qosty.

Úı jabyq boldy, ishinen eshqandaı tirshilik belgileri baıqalmady. Biraq brıgada oǵan qaramastan, uıyqtap jatqan turǵyndardy oıatyp, barlyǵyna dalaǵa shyǵýǵa kómekteskenshe terezeler men esikterdi urǵylady.

Úıde 5 eresek adam men 2 bala, onyń ishinde omyraýdaǵy bala bar eken. Adamdar qujattaryn ǵana alyp úlgerip, jalyn qushqan úıden qashyp shyqty.

Adamdardy qutqarǵannan keıin birneshe mınýttan keıin úı tolyǵymen órtenip ketti.

Aıta keteıik, qazaq akteri AQSh-ta jol apatyna túsken adamdy qutqardy.