Jetisýda bir mezgilde 3 myń ónerpaz kúı tartty

TALDYQORǴAN. KAZINFORM – Ulttyq dombyra kúnine oraı uıymdastyrylǵan is-shara 7 shildede «Jastar» saıabaǵynda ótti. Oǵan oblystaǵy mádenıet mekemeleriniń dombyrashylarymen birge bir mezette aýdandyq, qalalyq mekemelerdiń ónerpazdary Tańatar Alshabekovtyń «Jetisý kúıin» oryndady. 

Mereke aıasynda M. Tynyshpaev atyndaǵy oblystyq tarıhı-ólketaný mýzeıi, oblystyq kórkemóner galereıasy jáne Sáken Seıfýllın atyndaǵy oblystyq ortalyq kitaphanalary kitap kórmeleri men qolóner sheberleriniń kórmelerin uıymdastyrdy. 

Sondaı-aq oblystyń aýdandary men qalalarynyń ortalyq alańdarynda dombyra kúnine arnalǵan is-sharalar uıymdastyrylyp jatyr. 

Buǵan deıin Shyǵys Qazaqstan oblysynyń polıtsııa qyzmetkerleri de merekeni eleýsiz qaldyrmaǵany jaıly jazǵan edik.