Jetisýda sýbsıdııaǵa bólingen aqshany qumar oıynǵa jumsap jibergen
ASTANA. KAZINFORM — QMA Jetisý oblysy boıynsha departamenti sýbsıdııa jymqyrý faktisi boıynsha tergeý júrgizip jatyr.
Kúdikti, JShS-niń basshysy bola otyryp, eki jyl boıy jalǵan qujattardy paıdalanyp, memleket tarapynan sút ónimderin qaıta óńdeýge bólingen sýbsıdııalardy zańsyz túrde «Aýyl sharýashylyǵy basqarmasynan» MM alyp otyrǵan.
Keltirilgen jalpy zalal 300 mln teńgeden asty.
Shyǵyndardy rastaý úshin basqarmaǵa jeke kásipkerlerden shıki sút satyp alý jónindegi ózara esep aıyrysýlar týraly jalǵan qujattar men maı óndirý boıynsha jalǵan málimetter usynylǵan.
Sonymen qatar zańsyz alynǵan 110 mln teńge mólsherindegi sýbsıdııa kúdikti tarapynan qumar oıyndarǵa jumsalǵan.
Sot sanktsııasymen quny 300 mln astam teńge bolatyn zaýytqa tyıym salyndy.
Kúdiktige qatysty bultartpaý sharasy retinde úı qamaqqa alý túri qoldanyldy.
Tergeý jalǵasyp jatyr.
QPK-niń 201-babyna sáıkes ózge aqparat jarııa etýge jatpaıdy.