Jetisýda 2024 jyly 700 kelige jýyq esirtki tárkilendi

TALDYQORǴAN. KAZINFORM — Ótken jyly Jetisý oblysynda esirtki zattarynyń zańsyz aınalymyna qatysty 148 qylmystyq quqyqbuzýshylyq tirkeldi. Sotqa 93 qylmystyq is joldanyp, 78 adam sottaldy.

Jetisý oblysynyń esirtki qylmysyna qarsy kúres basqarmasy óńirde 2024 jyly esirtki saqtaý boıynsha — 48 adam onyń ishinde iri kólemde saqtaǵan 17 adamnyń ustalǵanyn málimdedi.

Anyqtalǵan 82 qylmystyń 53-i esirtkini ótkizýge baılanysty, 1 — kontrabanda, 5 — zańsyz jarnama jáne tyıym salynǵan ósimdikterdi ósirý boıynsha -10 qylmys. Jedel is-sharalar barysynda 700 kelige jýyq esirtki zattary tárkilendi.

— 235 keliden astam marıhýana, 10 keli gashısh, 66 keli sıntetıkalyq esirtki, 385 keli qarasora ósimdikteri. Úsh iri zerthana joıyldy. Onda 60 keliden astam sıntetıkalyq esirtki, 700 lıtr prekýrsor jáne arnaıy jabdyqtar tárkilendi. Sondaı-aq, quramynda 5 kámeletke tolmaǵan bala bar eki qylmystyq toptyń áreketi toqtatyldy. Sotqa 93 qylmystyq is jiberilip, 78 adam sottaldy. Budan bólek, 74 azamat esirtkige táýeldilikten emdeý kýrsynan ótti, — dedi Jetisý oblystyq polıtsııa departamenti ókilderi.

Esirtki qylmysyna qarsy kúres basqarmasy qoǵam qaýipsizdigi úshin esirtki zattarynyń zańsyz aınalymyna qatysty qandaı da bir aqparat bolsa, dereý quqyq qorǵaý organdaryna habarlasýdy suraıdy. Eske salaıyq osyǵan deıin Taldyqorǵanda jarylǵysh zat qoıyldy dep jalǵan aqpar bergen azamattyń 2 jyl 6 aıǵa sottalǵanyn jazǵanbyz.