Jetisý oblysynda qyzylsha juqtyrǵandar kóbeıdi

Jetisý oblysynda qyzylsha juqtyrýshylar sany azaımaı otyr. Dárigerlerdiń deregi boıynsha aýrý belgileri 308 turǵynnan anyqtalyp, onyń ishinde 223 adamnyń qyzylsha juqtyrǵany rastaldy, dep habarlaıdy Kazinform.

Qazir óńirdegi epıdemıologııalyq jaǵdaı turaqsyz bolyp tur jáne ákimshilik aýmaqtardyń eldi mekenderi boıynsha ınfektsııa ártúrli qarqynmen taralýda.

- Oblysta qyzylshanyń alǵashqy belgilerimen 308 jaǵdaı tirkeldi, onyń ishinde 223 jaǵdaı rastaldy. Negizinen 63,4% aýrýshańdyq vaktsınatsııalanbaǵan adamdar arasynda tirkelýde. Juqpa oshaqtarynda qyzylshaǵa qarsy ekpeden bas tartqan adamdar ózderiniń týystary men jaqyndarynyń qyzylshaǵa shaldyǵý kózine aınaldy. Sondyqtan profılaktıkalyq egýlerdi júrgizý úshin salmaqty jáne aqylǵa qonymdy sheshimder qabyldaýdy usynýdamyz, - deıdi Jetisý oblystyq sanıtarly-epıdemıologııalyq qadaǵalaý departamentiniń basshysy Ashat Charapıev.