Jetisý oblysynda qar qursaýynan 4 adam qutqaryldy

ASTANA. KAZINFORM — Jetisý oblysy Alakól aýdanyna qarasty Jaıpaq aýylynyń mańynda adamdar qar qursaýynda qalyp qoıǵany týraly 112 nómirine habar tústi, dep habarlaıdy TJM baspasóz qyzmeti.

Vedomstvo málimetinshe, qutqarýshylar oqıǵa ornyna dereý jetti.

— Olar qarǵa batyp qalǵan bir jeńil avtokólikti anyqtady. Kóliktiń ishinde 4 adam bolǵan, onyń bireýi — bala. Qutqarýshylar kólikti qaýipsiz jerge shyǵaryp, adamdardy aman alyp qaldy. Eshqaısysyna medıtsınalyq kómek qajet bolǵan joq, — delingen habarlamada.

Tótenshe jaǵdaılar mınıstrligi turǵyndardy jolǵa shyǵar aldynda aýa raıy boljamyn tekserip, jolda qaýipsizdik talaptaryn saqtaýǵa shaqyrady.

Osydan buryn Jambyl oblysynda Jańa jyl qarsańynda joǵalǵan adam 4 qańtarda aman-esen tabylǵanyn jazǵan edik.