Jetisý oblysynda birneshe márte alaıaqtyq jasaǵan áıel sottaldy

ASTANA. KAZINFORM — Jetisý oblysynyń turǵyny alaıaqtyq jasaǵany úshin 7 jylǵa bas bostandyǵynan aıyryldy, dep habarlaıdy oblystyq prokýratýranyń baspasóz qyzmeti.

Polıtsııa birneshe ret jasaǵan alaıaqty Jetisý oblysy prokýratýrasynyń úılestirýimen ustady.

— 2 jyl boıy ózin bank qyzmetkeri retinde tanystyrǵan áıel halyqtyń senimine ıe bolyp, olarǵa aýyl sharýashylyǵyn damytýdyń memlekettik baǵdarlamasy boıynsha nesıe alýǵa jáne tegin sýbsıdııalar alýǵa kómegin usyndy. 13 adam alaıaqtyń qurbany boldy, onyń keltirgen shyǵyny 12 mıllıon teńgeden asty, — delingen habarlamada.

Jetisý oblysy prokýratýrasy azamattardy qyraǵy bolýǵa, granttar, sýbsıdııalar nemese nesıeler alǵan kezde oryn alǵan mundaı jaǵdaılar týraly habarlaýǵa shaqyrdy.

Buǵan deıin habarlaǵanymyzdaı, Jetisý oblysynda erekshe balalarǵa arnalǵan tuńǵysh ıppoterapııa ortalyǵy ashyldy.