Jetisý oblysynda bıyl 330 órt oqıǵasy tirkeldi
Burnaǵy kezeńmen salystyrǵanda óńirdegi órt qaýipsizdigi is-sharalary jaqsaryp, oqys oqıǵalar sany 45 paıyzǵa azaıǵanymen, ahýal turǵyndardy áli de alańdatyp otyr, dep habarlaıdy Kazinform.
Óńirdiń órt sóndirýshileri jyl basynan 330 ret dabyl belgisin qabyldaǵan. Ot qaýipi negizinen turǵyn úılerden shyǵyp otyr. Qyzyl jalynǵa oranǵan oshaqtardyń 73 paıyzy jeke sektordan eken. Derek boıynsha, osy jylda 241 órt oqıǵasynan turǵyndar zardap shekken. Saldarynan 1 adam kóz jumyp, taǵy bir turǵyn aýyr jaraqat alǵan bolatyn.
«Tilsiz jaý saldarynan Qaratal aýdanynda 1 adam aýyr jaraqat alyp, Taldyqorǵan qalasynda 1 adam qaza tapty. Al peshti jylytýdy paıdalaný kezinde órt qaýipsizdigi talaptary oryndalmaı, kómirqyshqyl gazymen ýlanýdyń 7 oqıǵasy tirkelip, 23 adam zardap shekken. Oqıǵa sany 2022 jylǵy jylytý kezeńimen salystyrǵanda 7 ese kóp», — deıdi Jetisý oblysy memlekettik órt baqylaý basqarmasynyń basshysy, azamattyq qorǵaý podpolkovnıgi Sergeı Ogaı.
