Jetisý oblysynda alǵash ret eki aýdan ákimi saılanady

Búgin aýdan jáne oblystyq mańyzy bar qala ákimderiniń saılaýy bastaldy. Alǵash ret ótip otyrǵan saılaýda el aımaǵyndaǵy 45 ákim jańa júıe boıynsha daýysqa túsip, turǵyndar senimine ıe bolmaq. Pılottyq óńirler qatarynda Jetisý oblysy da bar, dep habarlaıdy Kazinform tilshisi.

Buǵan deıin oblystyq máslıhattyń sheshimimen Sarqan jáne Kerbulaq aýdandar pılottyq aımaqtar tizbesine engizilgen bolatyn. Búgin osy eki aýdan turǵyndary ákim oryntaǵynan úmitkerlerdi tańdaıdy. Saılaý naýqany sheńberinde 94 saılaý ýchaskesi, sondaı-aq aýmaqtyq komıssııalardyń 21 múshesi jáne ýchaskelik saılaý komıssııalarynyń 538 múshesi jumyldyrylǵan.

Al Sarqan jáne Kerbulaq aýdandaryndaǵy saılaýshylardyń jalpy sany – 54 760 adam. Saılaý negizinen Kerbulaq aýdanynda qyzý ótetin sııaqty. Óıtkeni, munda ákim bolǵysy keletinderdiń qatary kóp eken. Bir orynǵa 6 kandıtat tirkelgen.

«Memleket basshysynyń aýdandar men oblystyq mańyzy bar qalalardyń ákimderin tikeleı saılaý týraly bastamasy boldy. Bul memlekettik basqarýdy ortalyqsyzdandyrýǵa jáne azamattardyń jergilikti atqarýshy bılik deńgeıinde sheshimder qabyldaýǵa tikeleı qatysýyn keńeıtýge baǵyttalǵan saıası reformalar protsesiniń mańyzdy kezeńi. Mańyzdy saıası naýqan Jetisý oblysynda da ótýde. Sarqan jáne Kerbulaq aýdandarynyń halqy óz tańdaýlaryn jasaıdy.

Qos aýdanda 55 myńǵa jýyq saılaýshy bar. Saılaý ýchaskeleri jumysqa daıyn, - deıdi Jetisý oblysynyń aýmaqtyq saılaý komıssııasynyń múshesi Samat Beısenov.