Rekord: Taldyqorǵanda bir mezette 50 sábıdiń tusaýy kesildi
TALDYQORǴAN. KAZINFORM — Jetisý oblysynda Mádenıet jáne ulttyq salt-dástúr kúnine oraı Taldyqorǵandaǵy «Jastar» sport saraıynda bir mezette 50 sábıdiń tusaýy kesildi. Balaqaılardyń tusaýyn óńirdegi ardagerler, mádenıet, óner, ádebıet jáne jýrnalıstıka salasynyń qaıratkerleri, ataqty sportshylar, bilikti dárigerler men tanymal tulǵalar kesti.
Alǵash táı-táı qadamyn jasaǵan balalardyń ishinde taldyqorǵandyq ustazdar otbasy Nurjan Qamıev pen Gúlnur Dáýrenbekovanyń da kishkentaı sábıi bar.
«Bir jasar balamyzdy aıtýly sharaǵa arnaıy alyp keldik. Eki qyzdan keıin dúnıege kelgen ulymyzǵa Murager dep at qoıǵanbyz. Naýryzdyń onkúndigi aıasynda osy úlken aýqymdaǵy tusaýkeserde sábıimizdiń ómirge alǵash qadam jasaǵynyn jaqsy yrymǵa balaımyz. Naýryzdy osylaı on kún boıy ulttyq mazmunda atap ótý bastamasyn qoldaımyz. Barsha jurtshylyqty Naýryz merekeminen quttyqtaımyz», - deıdi Gúlnur Dáýrenbekova.
Aıta keteıik, atalǵan is-shara elimizde alǵash ret ótkizilip otyrǵandyqtan Qazaqstannyń rekordtar kitabyna engizildi.
Rásimge arnaıy «KInES» Rekordtardy tirkeý departamentiniń dırektory Baqytjan Tastúlekov qatysyp, tusaýy kesilgen sábılerdiń ata-analaryn quttyqtady.
«50 balanyń bir mezette birdeı tusaýkeseri ótkizilgeni jaıly faktiniń Qazaqstannyń rekordtar kitabyna engizilgenin rastaıtyn sertıfıkat tabystamaqpyn. Balalardyń joly ashyq bolsyn!», - degen tilegin jetkizdi B.Tastúlekov.
