Jetisý oblysyna 10 aıda 2 mln týrıst kelgen

Jetisý aımaǵyna osy jyly 10 aıda 2 mln týrıst kelgen. Olardyń basym bóligi Alakólde bolǵan, dep habarlaıdy Kazinform. 

«Jetisý oblysynyń tabıǵı klımattyq jaǵdaıy týrızmdi damytýǵa óte qolaıly. Bıyl 10 aıda Jetisý oblysyna kelgen týrısterdiń sany 2 mln adam boldy. Onyń ishinde 1,5 mln adam Alakólge barǵan», - dedi Jetisý oblysynyń ákimi Beıbit Isabaev Ortalyq kommýnıkatsııalar qyzmeti alańynda ótken baspasóz máslıhatynda.

Ákimniń aıtýynsha, aldaǵy jyldary týrızmdi damytý baǵytyndaǵy jumystar jalǵasyn tabady.

«2025 jyldan bastap Balqash kóliniń jaǵasynda demalys úıleri, qonaq úıler salynady. Bıyl «Altyn emel» ulttyq parkinde quny 2 mlrd teńge bolatyn vızıt ortalyq salyndy. Osydan 1,5 aı buryn onyń prezentatsııasy ótti. Astanadan jáne basqa óńirlerden jýrnalıster qatysty. Bárin kórdińizder. Shoqan Ýálıhanov mýzeıine baratyn jol jóndeldi. Mýzeıde jańǵyrtýdan ótti», - deıdi ol.