Jetisý oblysynyń Sarqan aýdanynda alǵashqy tsıfrlyq keńse ashyldy
Bul - óńirde jańa formatqa kóshken alǵashqy qyzmet kórsetý ortalyǵy. Jańa talappen halyqqa qyzmet kórsetetin keńseniń ashylýyna «Azamattarǵa arnalǵan úkimet» MK KEAQ Basqarma tóraǵasynyń orynbasary Aınur Tobaeva jáne «Azamattarǵa arnalǵan úkimet» MK KEAQ Jetisý oblysy boıynsha fılıalynyń dırektory Samat Imanǵalıev arnaıy qatysty.
«Sarqan aýdanynda Halyqqa qyzmet kórsetý bólimi 2008 jyly ashylǵan bolatyn. Búgin, mine Respýblıka kúni qarsańynda alǵashqy bolyp bizde Halyqqa qyzmet kórsetý bólimi jańa formatta, tsıfrlyq keńsege aýystyrylyp, baǵytymyzdyń barlyǵy zaman talabyna saı ózgerip, jana tsıfrlyq keńse ashylyp jatyr. Osy Sarqan aýdanynda jalpy 692 qyzmet kórsetiledi, onyń ishinde 636-sy elektrondy formatqa aýystyryldy. ıAǵnı, turǵyndar bul qyzmetterdi arnaıy e.gov portaly arqyly elektrondy túrde ala alady. Qyzmet túrimen qatar keńsemizdiń dızaıny da ózgerip, árbir sektor óz qyzmetine qaraı ózgertilgen. ıAǵnı, jasyl túspen belgilengen sektorda halyqqa daıyn qujat beriledi, al sary túste jyldamdyq aımaǵy belgilengen, demek bul sektorda barlyq qyzmet túri 20 mınýttyń ishinde kórsetiledi. Mysaly oǵan týý týraly anyqtama berý, neke qııý týraly anyqtama, jyljymaıtyn múlikke quqyqtardy memlekettik tirkeý syndy qyzmetter kiredi. Al kúlgin túske belgilengen aımaqta áleýmettik qyzmetter kórsetiledi»,- dedi Azamattarǵa arnalǵan úkimet MK KEAQ-ń Jetisý oblysy boıynsha fılıalynyń dırektory Samat Imanǵalıev.
Vedomstvo basshysynyń sózinshe, keler jyly jańa formattaǵy halyqqa arnalǵan tsıfrlyq keńse Panfılov, Eskeldi jáne Qaratal aýdandarynda ashylady dep josparlanýda.
