Jetisý oblysynda 200-den astam dáriger jetispeıdi
«Oblystyń medıtsınalyq mekemelerinde 1 894 dáriger men 6 820 medbıke jumys isteıdi. 10 myń turǵynǵa shaqqanda dárigerlermen qamtamasyz etý – 27,9, al orta medıtsına qyzmetkerlerimen qamtamasyz etý – 97,55. Bul rette óńirde 202 kadr tapshy. Atap aıtqanda, jalpy tájirıbeli dáriger – 32, akýsher-gınekolog – 18, pedıatr – 15, anestezıolog-reanımatolog – 15 jáne taǵy da basqa mamandar», - delingen oblys ákimdiginiń saıtynda jarııalanǵan jartyjyldyq esepte.
Jergilikti quzyrly organnyń dereginshe, bıyl densaýlyq saqtaý salasyna 89 mlrd teńge qarajat bólingen. Alǵashqy 6 aıda bıýdjettiń 39,3 mlrd teńgesi nemese 44,1%-y ıgerildi.
«6 nysannyń qurylysyna 2 mlrd teńge bólindi: Saryózek aýylyndaǵy emhana, Saǵabúıen aýylyndaǵy dárigerlik ambýlatorııa, Aqsý Altynaryq aýylyndaǵy JP, Qamysqala jáne Shejin aýyldary men Taldyqorǵan qalasynda feldsherlik-akýsherlik pýnkt salynady. 2023 jylǵa aýyldyq eldi mekenderde 25 bloktyq-modýldik keshen ornatý josparlanǵan», - dep jazylǵan qujatta.