Jetisaıda 100 kelige jýyq balyqty zańsyz aýlaǵan brakoner ustaldy
Jetisaı aýdany aýmaǵynda toǵaı alqaptary men ózen-sýda zańsyz balyq aýlaý derekterin anyqtaý, aldyn alý maqsatynda Jetisaıdyń polıtsııa qyzmetkerleri turaqty túrde reıd ótkizip otyrady.
Osyndaı kezekti tekserý kezinde polıtseıler Útirtóbe aýylyna qarasty Shardara sý qoımasy mańynda jergilikti turǵynnyń zańsyz túrde shanyshqy (astraga) paıdalana otyryp, balyq aýlap otyrǵanyn anyqtady.
Ustalǵan jas jigitten aıǵaq retinde rezeńke qaıyq, 3 metrli shanyshqy (astraga) jáne 50 danadan astam zańsyz aýlanǵan balyq tárkilenip alyndy. Balyqtyń jalpy salmaǵy - 93 keli.
Atalǵan jaıt QR QK 335-babymen tirkelip, sotqa deıingi tergep-tekserý amaldary bastaldy.
Tabıǵatqa zalal keltirgen turǵyn Jetisaı aýdandyq polıtsııa bólimine jetkizildi.
Túrkistan oblysynyń polıtseıleri azamattarǵa zańsyz balyq aýlap, sondaı-aq Qyzyl kitapqa engizilgen janýarlar men ósimdikterdi óltirý zań aıasynda jaýapqa tartýǵa ákelip soǵatynyn eskertedi.
