Jeti jyl jazylǵan roman úzdik dep tanyldy
ALMATY. KAZINFORM – Elimizde úshinshi ret uıymdastyrylǵan Qazaqstan týraly úzdik roman baıqaýynyń ıegeri anyqtaldy.
Mecenat.kz baıqaýynyń jeńimpazy – «Ómir báıteregi» romanyn jazǵan belgili jazýshy, Qazaqstannyń eńbek sińirgen qaıratkeri, «Alash» ádebı syılyǵynyń laýreaty Sáýle Dosjan.
Týyndy konkýrsta kópshiliktiń daýsymen úzdik dep tanyldy.
Avtordyń ózi romannyń jeti jyl jazylǵanyn aıtty.
«Erekshe ádebı baıqaýynyń jeńimpazy atanǵanyma qýanyshtymyn. «Ómir báıteregi» romanyn jeti jyl boıy jazdym. Ulttyq kodymyzdy, qan tazalyǵyn, álemde qazaqta ǵana bar «jeti ata» shejiresiniń dala tólqujaty ekenin dáleldep, jastarǵa túsindirý úshin ár taraýdy jeti qaıtara oqyp shyqtym. Aıta keteıin, bul meniń jetinshi romanym», - dedi Sáýle Dosjan.
Ádebı syılyqtyń ıegeri endi ómir boıy aı saıyn 500 dollar syıaqy alyp otyrady.
Joba múshesi Álisher Rahattyń aıtýynsha, bıyl atalmysh konkýrsqa 40 roman usynylǵan.
«Baıqaýǵa barlyǵy 40 roman tirkelgen. Onyń 17-si qazaq tilinde, 23-i orys tilinde, bir týyndy alys shetelden tústi. Avtorlardyń arasynda 10 kásibı jazýshy boldy.
