Eki kúnnen beri 7 qalanyń aýasy lastanyp tur
ASTANA. KAZINFORM — «Qazgıdromet» RMK elimizdegi aýa sapasyna qatysty boljamyn jarııalady.
— 2026 jylǵy 9 qańtarda Qaraǵandy, Temirtaý, Balqash, Jezqazǵan, Aqtóbe, Almaty qalalarynda, túnde Astana qalasynda aýanyń lastanýynyń qolaısyz meteorologııalyq jaǵdaılary kútiledi, — delingen habarlamada.
Qolaısyz meteorologııalyq jaǵdaılar — atmosferalyq aýanyń betki qabatynda zııandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldimekenderdegi atmosferalyq aýanyń sapasy nasharlaýy yqtımal.
Aıta keteıik, Ekibastuz turǵyndary kenishtegi kómirdiń únemi janyp jatatyndyǵyna shaǵymdandy. Adamdar mundaǵy ýly tútindi jutyp jumys isteýge májbúr bolyp júrgenderin jetkizgen.