Jeti balyqshy qaza taýyp, bireýi iz-túzsiz joǵaldy — Koreıa jaǵalaý kúzeti

Dúısenbi kúni tańerteń Koreıanyń ońtústik-shyǵysyndaǵy Kendjý jaǵalaýynda qum tıelgen barjamen soqtyǵysqan balyqshylar qaıyǵy aýdarylyp, sýǵa batyp ketti, dep habarlaıdy Sınhýa  Yonhap aqparat agenttigine silteme jasap. 

Segiz ekıpaj múshesiniń jeteýi qaza taýyp, bireýi iz-túzsiz joǵalǵan.

Oqıǵa Kendjý qalasynan ońtústik-shyǵysqa qaraı shamamen 6 shaqyrym jerde jergilikti ýaqyt boıynsha saǵat 05:43–te bolǵan.  

Jergilikti polıtsııa qutqarý qaıyqtary men tikushaqtardy jibergen. 

Tóńkerilgen qaıyq ishinen tabylǵan jeti ekıpaj múshesiniń júregi toqtap qalǵany anyqtaldy, dárigerler olardyń qaıtys bolǵanyn rastady.

— Taǵy bir balyqshyny izdeý jalǵasýda. Aldyn ala tergeý kórsetkendeı, soqtyǵys kapıtannyń alańdaýshylyǵynan bolǵan, — delingen habarlamada.

Eske sala keteıik, Balqash kólinde joǵalyp ketken balyqshylar tabylǵanyn jazǵan bolatynbyz.