Jerde jáne ǵaryshta HǴS ekıpajyn almastyrýǵa daıyndyq júrip jatyr

ASTANA. QazAqparat - Jeltoqsannyń ortasyna qaraı Halyqaralyq ǵarysh stansasynyń (HǴS) ekıpajyn aýystyrý josparlanýda, dep habarlaıdy «QazAqparat» HAA tilshisi.

Roskosmostyń aqparatyna sáıkes, «Energııa» zymyran-ǵarysh korporatsııasynyń Bas konstrýktorlary keńesi 2017 jylǵy 14 jeltoqsanda «Soıýz MS-05» basqarylatyn kemesiniń Sergeı Rıazanskıı, Rendolf Breznık, Paolo Nespolılerden quralǵan HǴS-52/53 ekıpajyn qaıtarý jáne  2017 jylǵy 17 jeltoqsanda Baıqońyrdan Roskosmos ǵaryshkeri Anton Shkaplerov, NASA astronavty Skott Tıngl jáne JAXA astronavty Norıshıge Kanaıden quralǵan HǴS-54/55 ekıpajyn stansaǵa shyǵarý týraly usynysty maquldady.

2017 jylǵy 17 jeltoqsanǵa josparlanǵan «Soıýz MS-05» basqarylatyn kólik kemesin qondyrýǵa, sondaı-aq 2017 jylǵy 17 jeltoqsanǵa josparlanǵan «Soıýz MS-07» basqarylatyn kólik kemesin orbıtaǵa shyǵarýǵa ballıstıkalyq sharttardy qalyptastyrý úshin halyqaralyq ǵarysh stansasynyń orbıtasyn korrektsııalaý júrgizildi, ıaǵnı orbıtasy túzetildi, dep habarlaıdy Ushýdy basqarý ortalyǵynyń baspasóz qyzmeti.