Jer telimin alyp beremin dep turǵyndardan 7 mln teńge alǵan kúdikti ustaldy
Ol Jambyl aýdany turǵyndarynan 7 mln teńgen alyp, qoldy qylǵan. Jedel izdestirý is-sharalary barysynda Jambyl aýdanynyń polıtsııa bóliminiń tártip saqshylary Uzynaǵash aýylynyń 34 jastaǵy turǵynyn qolǵa túsirdi. Ol «Qaınazar aýylynan jeke turǵyn úı qurylysyna 10 sotyq jer alyp beremin» dep, jerlesterinen aqsha alǵan. Alǵan aqshany jumsap qoıyp, qaıtarmaǵan soń, onyń osylaısha jeńil jolmen aqsha tabý áreketi áshkere boldy. 7 azamat kúdiktiniń ústinen shaǵymdan soń ol óz kinásin tolyq moıyndap otyr.
«Atalǵan derek QR Qylmystyq Kodeksiniń 190-baby, 3-bóligimen tirkeldi. Kúdiktiniń basqa qylmysqa qatystylyǵy tekserilýde. Barsha aýdan turǵyndaryna aıtarym – qazirgi tańda alaıaqtyq qylmysy ósýde. Sol sebepti abaı bolýlaryńyzdy suraımyn»,- dedi Jambyl aýdandyq Polıtsııa basqarmasynyń bastyǵy Aıdyn Omarov.
