Jer, sý, joldar: Pavlodar oblysyndaǵy eń shalǵaı aýyldyń halqyn ne alańdatady
Pavlodar oblysynyń ákimi Jalaýly aýylynda eń aldymen Alshynov atyndaǵy mektepke temperatýralyq rejımdi tekserý úshin bardy. 80 bala oqıtyn oqý ornynda jaǵdaı ońtaıly eken - 22-23 gradýs.
Eki myńnan astam kvadratty jylýmen qamtamasyz etý úshin munda táýligine 1,5-2 tonnaǵa deıin kómir jumsalady.
Al, aýyldyq dárigerlik ambýlatorııada mektepke qaraǵanda salqyndaý boldy. Bul týraly medıtsınalyq protsedýralarǵa kelgen jergilikti turǵyndar da aıtty.
Medıtsına qyzmetkerleri ambýlatorııa ǵımaraty salynǵanan beri, 40 jylǵa jýyq ýaqyt boıy jóndelmegenin aıtty.
Máseleni sheshý úshin bıyl densaýlyq saqtaý basqarmasy ambýlatorııany jańǵyrtý úshin jobalyq-smetalyq qujattama ázirleýdi josparlap otyr.
Ábilqaıyr Sqaqov jobalyq-smetalyq qujattama daıyn bolǵan soń, joba qarjylaı qoldaý tabatynyna sendirdi.
Bul rette aımaq basshysy tek bólmelerdi jóndeýdi ǵana emes, jylýmen qamtý júıesin qaıta jańǵyrtýdy da eskerýdi talap etti.
Áleýmettik nysandardan basqa ákim tórt aýyldyq dúkenniń birinde boldy.
Pavlodardan 200 shaqyrymnan astam qashyqtyqqa qaramastan, munda olar taýarlardy áleýmettik baǵamen satady.
Dúkennen arzandatylǵan kartop pen sábiz, sondaı-aq oblystyq turaqtandyrý qorynan jetkiziletin qant, qaraqumyq jarmasy men ósimdik maıyn satyp alýǵa bolady.
Sútke keletin bolsaq, saýda núktesiniń sórelerinde Petropavldan ónimder kóp boldy, al pavlodarlyq óndirýshilerdiń taýarlary bolmaı shyqty.
Ábilqaıyr Sqaqov Jalaýlyǵa jergilikti qaıta óńdeýshilerden sút jetkizý máselesin pysyqtaýdy tapsyrdy.
Aýyl klýbynda aımaq basshysy jergilikti ákim Azamat Medetovtiń halyq aldyndaǵy esep berý kezdesýine qatysty.
Jalaýly aýyldyq okrýginiń basshysy ótken jyly ózine qarasty tórt aýylda ne istelgeni týraly aıtyp berdi.
- Búginde bizde 55 fermerlik sharýashylyq, Bir JShS jáne aýyl sharýashylyǵy baǵytyndaǵy 13 jeke kásipker jumys isteıdi, - dep habarlady aýyldyq okrýg ákimi. - Ótken jyly bizde úsh jańa ferma ashyldy. Taǵy 10 sharýa qojalyǵy jańa aýylsharýashylyq tehnıkasyn alý úshin memlekettik qoldaý esebinen 100 mıllıon teńgege jýyq qarajat aldy. «Masaqpaı Invest» JShS mal bordaqylaıtyn eki alań salyp, 645 mıllıon teńge somasyna ınvestıtsııalyq jobany iske asyrdy. 2022 jylǵa arnalǵan abattandyrý josparyna kelsek, olar Jalaýly aýylyndaǵy vorkaýt aımaǵyn jabdyqtaýdy kózdep otyr. Sholaqsor aýylynda jańa balalar alańyn ornatý, kóshe jaryǵyn jańartý jáne jergilikti saıabaqty sýburqaqpen bezendirý josparlanýda. Baltasap aýylynda bıyl jańa stela paıda bolýy kerek.
Ábilqaıyr Sqaqov aýyl ákimdigindegi barlyq jospar jergilikti qaýymdastyqpen talqylanýy tıis ekenin atap ótti.
- Biz zamanaýı kún tártibin qalyptastyryp, birinshi kezekte nemen jumys isteý kerektigin túsinýimiz kerek, - dep málimdedi óńir basshysy. - Jaqynda biz jerlesterimizge habarlastyq jáne olarǵa 2022 jylǵa arnalǵan is-qımyl baǵdarlamasyn qalyptastyrý úshin Pavlodar oblysyn damytý boıynsha óz oılarymen bólisýdi usyndyq. Bizdiń meken-jaıymyzǵa 2,5 myńǵa jýyq usynys kelip tústi. Máselen, pavlodarlyqtardy áleýmettik problemalarmen qatar bıliktiń qoǵammen ózara is-qımyly máselesi de tolǵandyrady. Sondyqtan ákimder men basqa da memlekettik qyzmetkerler halyqpen tikeleı baılanysta jumys isteýi tıis. Keńselerde anyqtamalar men esepterdi berip otyratyn jumystardy toqtatatyn kez keldi. Endi adamdarǵa ózimiz shyǵyp, olarmen dıdarlasýymyz kerek.
Esep berý kezdesýi barysynda Jalaýly aýyldyq okrýginiń turǵyndary ózderin tolǵandyrǵan suraqtaryn qoıdy.
Aýyl turǵyndary jaıylymdyq jerlerdiń tapshylyǵy men orynsyz paıdalanylýy máselesin birneshe ret kóterdi.
Buǵan jaýap retinde Ábilqaıyr Sqaqov aýyl sharýashylyǵy jerleriniń kartasyn jasaý jónindegi óziniń taıaýdaǵy tapsyrmasy týraly eske saldy, ol árkimge qoljetimdi bolýy tıis, - dedi.
Sondaı-aq, oblys ákimi taıaýdaǵy jyldar ishinde jaıylymdar jetkiliksiz aýdandarda shalǵyndandyrý baǵdarlamasy iske asyrylatynyn málimdedi.
Alaıda, óńirlik baǵdarlama esebinen ósirilgen jaıylymdyq jerlerdi jeke aýlalardyń ıeleri ǵana paıdalana alady.
Sholaqsor aýylynyń turǵyndary sýmen qamtamasyz etýdegi basty máseleni sheshýdi surady.
Osydan 20 jyldan astam ýaqyt buryn munda keshendi blok-modýl ornatylsa, sońǵy jyldary aýyl turǵyndary aýyz sýdyń sapasyna kóńili tolmaı júr.
Sonymen qatar varıant retinde, Sholaqsorda jeńildetilgen sý qubyryn salýǵa daıyn.
Aqtoǵaı aýdanynyń basshysy Qarshyǵa Arynov bul úshin qajetti jobalyq-smetalyq qujattamany daıyndap qoıǵanyn túsindirdi.
Endi tek jobany qorǵaý men ony qarjylandyrýdy kútý qaldy.
Jalaýlyqtar úshin taǵy bir ótkir másele - jol. Aýyldyq okrýgti aýdan ortalyǵymen jáne oblystyń basqa da eldi mekenderimen baılanystyratyn tas jol sońǵy 50 jyl ishinde jóndelmegen.
Ótken jyly munda joldyń bir bóligi jóndeldi, turǵyndar munymen toqtap qalmaýdy ótindi.
Óńir basshysy barlyq bastalǵan jobalar sońyna deıin jetkiziletinine, eń bastysy - jergilikti jerlerde ákimder aınalysýǵa tıis jobalyq-smetalyq qujattamanyń ázirligine sendirdi.
Sonymen qatar, Pavlodar oblysynyń ákimi azamattardy jeke qabyldady.
Sonyń ishinde oǵan Sholaqsor aýylynyń ata-analar qoǵamdastyǵynyń atynan belsendiler júgindi.
Olar Ábilqaıyr Sqaqovtan jergilikti mektepti jóndeýge kómektesýin surady. Analar aldymen oqý ornynda terezelerdi aýystyrý jetkilikti bolatynyn atap ótti.
Óńir basshysy jergilikti basshylyqqa osy jumystardyń shamamen alynǵan qunyn eseptep, múmkin bolǵan jaǵdaıda olarǵa qarjy salýdy tapsyrdy.
