Jer silkinisi kezinde Air Astana ushaǵy Almatyǵa qona almady

ASTANA. KAZINFORM — Jer silkinisi kezinde Almaty áýejaıyna 5 áýe kemesi qonýy kerek bolǵan, dep habarlaıdy Kazinform Azamattyq avıatsııa komıtetiniń baspasóz qyzmetine silteme jasap.

23 qańtarda jergilikti ýaqyt boıynsha saǵat 00.10-da Almatyda jer silkinisi boldy, ol áýe qozǵalysyn basqarýdyń avtomattandyrylǵan júıesiniń «munarasynda» aıtarlyqtaı sezildi.

Aerodrom aýdanynda qonýǵa bet alǵan 5 áýe kemesi boldy, onyń ishinde 1 ushaq qonyp úlgerdi. 4 áýe kemesi jer silkinisi týraly habardar etildi jáne áýe qozǵalysyn basqarý organdaryna tapsyrýmen aerodrom aımaǵynda kútý uıymdastyryldy. Osydan keıin aerodromdy basqarý ortalyǵynyń basshysy munaradan evakýatsııalaýǵa sheshim qabyldady.

Aerodromdy basqarý ortalyǵynda áýe qozǵalysyn basqarý 20 mınýtqa sozyldy. Odan ári jerasty dúmpýleri toqtaǵan soń, aerodromdy basqarý ortalyǵy qaıtadan jumysyn bastady.

Qonýy tıis 4 ushaqtyń biri — Astana-Almaty baǵytyndaǵy Eır Astananyń KS-856 reısiniń ushaǵy Túrkistannyń qosalqy aerodromyna qondy.Qalǵan úsheýi esh qıyndyqsyz Almaty áýejaıyna qondy.

Saǵat 00: 39-dan bastap áýejaı shtattyq rejımde jumys isteı bastady. Qosalqy aedromǵa attanǵan KS-856 reısi Túrkistannan 02.32-de Almatyǵa ushyp, 03.34-te sátti qondy.

Kezekshi aýysym kútpegen jaǵdaıda josparǵa sáıkes áreket etti.