Jer silkinisi: Kamchatkada táýlik ishinde 14 aftershok tirkeldi
ASTANA. KAZINFORM – Kamchatka ólkesinde sońǵy táýlikte 14 jer asty dúmpýi – aftershok tirkeldi. Onyń biri eldi mekenderde sezilgen. Bul týraly óńirdiń Tótenshe jaǵdaılar jónindegi bas basqarmasynyń baspasóz qyzmeti habarlady, dep jazdy TASS agenttigi.
«Táýlik ishinde magnıtýdasy 3,5-ten 5,3-ke deıingi 14 aftershok boldy. Eldi mekender aýmaǵynda bir jer asty dúmpýi sezildi», delingen habarlamada.
Sonymen qatar óńirde birneshe janartaýdyń belsendiligi jalǵasyp jatyr. Olardyń qatarynda Bezymıannyı, Shıvelých, Klıýchevskoı, Karymskıı, Krashenınnıkov jáne Kambalnyı janartaýlary bar.
Tótenshe jaǵdaılar qyzmeti Kamchatka turǵyndary men qonaqtaryn atalǵan janartaýlarǵa jaqyndamaýǵa shaqyrdy.
Eske sala ketsek, buǵan deıin Kamchatkada bir táýlikte 130-dan astam jer silkinisi tirkelgenin jazǵanbyz.
Al jýyrda osy óńirde jer silkinisinen keıin janartaý oıandy.