Jer sharynda tirshiligi joq jer bar – Álemdik baspasózge sholý
Jasandy kóz: bolashaqta robottar qalaı kóretin bolady? – VVS
Avtokólikter kóshede júrgizýshisiz júrýi úshin qandaı «kóz» kerek ekeni daýǵa ulasty. Ilon MaskLidar lazerli skanerleý júıesiniń tym qambat ári qajetsiz bolatynyn aıtty. Onyń paıymynsha, jasandy ıntellekt pen kameralardyń birigýi avtokólikterdiń júrgizýshisiz qozǵalýy úshin jetkilikti bolady, dep jazady VVS.
«Masktiń pikirine qaramastan, 10 myń dollar turatyn bul júıeniń qajet ekenin aıtýshylar da bar. Avtonomdy kólikterdiń qorshaǵan ortany qabyldaıtyn basqa da múmkindikteri bar bolǵanymen, olar álsiz. Qazirgi tańda Lidar júıesiniń baǵasyn tómendetip, arzanyraq ári tıimdirek nusqasyn jasaý máselesi kún tátibinde tur», delingen aqparatta.
Avtordyń aıtýynsha, Lidar júıesi kez kelgen aýa raıynda qorshaǵan ortany jaqsy tanı alady.
Jer sharynda tirshilik joq jer bar – CNN
Ǵalymdar jańa zertteý nátıjesinde Efıopııada tirshilik joq jer bar ekenin anyqtady, dep jazady CNN.Basylymnyń habarlaýynsha, Efıopııada Dallol degen jerde múldem tirshilik joq. Onda tipti, mıkroaǵzalar da tirshilik ete almaıdy.Ǵalymdardyń maqalasyNature Ecology & Evolution ǵylymı jýrnalynda jarııalanǵan.
«Dallol – jer sharyndaǵy eń ekstremaldy oryndardyń biri, óte ystyq, tuzdy jáne qyshqyl jer. Bul jerdiń sýy tuzǵa, toksındi gazdarǵa toly. Biz zertteı kele bul jerde mıkrobtyq tirshiliktiń joq ekenin anyqtadyq», deıdi ǵalymdar.
Ǵalymdar toby Jer sharyndaǵy ekstremaldy jaǵdaıdaǵy tirshilik týraly derekterdiń barlyǵyn nazarǵa alǵan. Olardyń atap ótýinshe, sýdyń bar bolýy tirshiliktiń bar ekeniniń dáleli bola almaıdy.
«Dallolda sý bar bolǵanyna qaramastan, bul jerde múldem tirshilik joq», - dedi ǵalymdar.
Tehnıkalyq gıganttar onlaındaǵy ár áreketti ańdyp otyrady – The Guardian
«Tehnıkalyq gıganttar onlaındaǵy ár áreketti ańdyp otyrady. Bul adam quqyqtaryn buzady», dep jazady The Guardian.
Avtordyń aıtýynsha, Facebook málimetterdi jınaý ınternet jumysynyń ajyramas bólshegi ekenin málimdegen.
«Internetke kirip, Facebook-ti paraqtap otyrǵan adam ózi qyzyǵatyn salalar týraly jarnamalardyń shyǵyp turatynyn baıqaıdy. Degenmen, Internetke qoljetimdilik qazirgi zamandaǵy adam quqyqtaryn júzege asyrýda úlken mánge ıe ekeni sózsiz. Búkil álemdegi halyq osy platformalarǵa táýeldi. Biraq ınternettegi óz quqyǵyn qorǵaýy úshin adamdar júıege baǵynýy kerek. Al ol júıe adam quqyqtaryna qııanat jasaýy múmkin», - dep jazady basylymnyń sholýshysy.
Onyń paıymynsha, qazirgi tańda Facebook pen Google kompanııalaryna ınternette adam quqyqtaryn buzǵany týraly jıi aıyp taǵylady. Sonymen qatar bul eki kompanııa úkimettik baqylaýdy kúsheıtýge atsalysatyny da aıtylyp júr.
Klımat belsendileri Garvard pen Iel ýnıversıtetine ashýly – Vox
Klımat belsendileri Garvard pen Iel ýnıversıtetteriniń arasyndaǵy fýtbol mmatchyn toqtatyp, olardyń qazba baılyqtaryn ınvestıtsııalaý týraly sheshiminen bas tartýdy surady, dep jazady Vox.
Basylymnyń habarlaýynsha, 150-den astam adam jyl saıynǵy fýtbol oıynyna kedergi keltirgen.
«AQSh-ta kóptegen ýnıversıtet qazba baılyqtaryn qarjylandyrýdan bas tartyp jatyr. Qyrkúıek aıynda Kalıfornııa ýnıversıteti de qazba otynnan bas tartatynyn habarlady. Garvard pen Iel ýnıversıtetteriniń stýdentteri óz oqý oryndarynan da osyny talap etti», - delingen maqalada.
Balalardyń mektepke barý kórsetkishin arttyrý jahandyq mindetke aınalýy kerek – The Independent
Fotojýrnalıst Peddı Doýlıng Rýandaǵa baryp, balalardy mektepke jiberý isine belsene aralaspaq, dep jazady The Independent.
«25 jyl buryn Rýanda genotsıdke tap boldy. BUU bosqyndar boıynsha Joǵarǵy komıssııasynyń habarlaýynsha, 12 mln halqy bar Rýandada 145 myń bosqyn bar. EAA uıymy me onyń seriktestteri álem boıynsha 10,4 mıllıon balanyń mektepke barýyna atsalyspaq», dep jazady basylym.
