Jer sharyn aınalatyn Golden Globe Race jarysynda alǵash ret áıel adam jeńiske jetti

ASTANA. QazAqparat – Ońtústik Afrıka Respýblıkasynyń ókili shkıper Kırsten Noıshafer ıahtamen jer sharyn aınalatyn Golden Globe Race 2022 jeke jarysynda jeńgen álemdegi alǵashqy áıel atandy, dep habarlaıdy QazAqparat VVS-ge silteme jasap.

Ol 235 kún ýaqytyn porttarǵa kirmeı, teńizde ótkizip, beısenbi kúni fınıshke jetti.

Kırstennen keıingi qatysýshy, úndistandyq shkıper Abhılash Tomı Kırsten fınıshqa jetken kezde odan 185 shaqyrymnan asa qashyqtyq keıin kele jatqan.

Bul 30 myń teńiz mılıasyn júrip ótetin jarys úshin kóp araqashyqtyq emes, báseke óte joǵary boldy.

Kırsten kóp jyldan beri ıahtıngpen aınalysady. Kememen túrli baǵyttarǵa, onyń ishinde jalǵyz da sapar shekken.

Ol derekti fılmniń túsirilim tobymen birge jelkendi qaıyqta Antarktıdaǵa barǵan.

Sondaı-aq velosıpedpen de saıahattaıdy: 22 jasynda Kırsten bir jyl ishinde shamamen 15 myń shaqyrym júrip ótken.