Jer qatynasyn tsıfrlandyrý zańynyń mańyzy qandaı: Baǵdat Mýsın túsindirdi
Búgin Memleket basshysy Qasym-Jomart Toqaev jer qatynastary salasyndaǵy memlekettik kórsetiletin qyzmetterdi tsıfrlandyrý týraly zańǵa qol qoıǵan bolatyn.
«Zańnyń artyqshylyqtary týraly aıtsam. Eger, buryn bos jer telimderi jónindegi aqparat jalpyǵa qoljetimsiz, jabyq túrde bolsa, endi bul derekterge Qazaqstannyń kez kelgen azamaty qol jetkize alady.
Tsıfrlyq damý mınıstrligi Memleket basshysy Qasym-Jomart Kemeluly Toqaevtyń tapsyrmasyna sáıkes jer telimine qatysty quqyqtardy tirkeý rásimderin jeńildetýge kómektesetin Biryńǵaı memlekettik jyljymaıtyn múlik kadastry (BMJK) júıesin ázirledi.
BMJK-ge qol jetkizý qoǵamdyq kadastr kartasy arqyly júzege asyrylady – bul jer, quqyqtyq, tabıǵı jáne basqa kadastrlardan bastap, bas josparlarǵa jáne eldi mekenderdi egjeı-tegjeıli josparlaýǵa deıingi málimetterdi qamtıtyn ınteraktıvti tsıfrlyq karta.
Kadastr kartasy mysaly, jyljymaıtyn múlikpen jáne jermen: satyp alý, satý, ashyq túrde jalǵa berý syndy belgili bir mámilelerdi júzege asyrý úshin memlekettik kadastr júıesinen onlaın málimetter alýǵa múmkindik beredi», - dep jazdy mınıstr áleýmettik jelide.
Osy oraıda vedomstvo basshysy atalǵan joba kezeń-kezeńmen keńeıtiletinin atap ótti.
«Bıyldan bastap, jer telimin berý jónindegi elektrondy formatqa 89 qalanyń jeri týraly derekter kóshiriledi.
QR Indýstrııa jáne ınfraqurylymdyq damý mınıstrligimen jáne jergilikti atqarýshy organdarmen birlese otyryp, atalǵan jobany tolyqqandy iske qosý jumystary júrgizilýde.
Bul rette, 2023 jyldyń 1 shildesinen bastap, jyljymaıtyn múliktiń biryńǵaı kadastr júıesin tolyq engizgenge jáne synaqtan ótkizgenge deıin, ıaǵnı barlyq memlekettik, onyń ishinde jergilikti organdardyń aqparattyq júıeleri jer qatynastary salasynda memlekettik qyzmetterdi kórsetý boıynsha biryńǵaı tsıfrlyq formatta jumys isteýge daıyn bolǵanǵa deıin zań jobasyn qoldanysqa engizý merzimin keıinge qaldyrýdyń kózdelip otyrǵany mańyzdy», - dep naqtylady B.Mýsın.
