Jeńis kúni: Kappadokııada áýe sharlary túrik týymen bezendirildi

ASTANA. KAZINFORM — Dýmlýpynar shaıqasyndaǵy jeńistiń 103 jyldyǵyna oraı Kappadokııa aspanyna Túrkııa týlary taǵylǵan áýe sharlary kóterildi, dep habarlaıdy Anadoly.

ıÝNESKO-nyń Búkilálemdik muralar tizimine engen Kappadokııada kúnniń shyǵýyna oraı áýe sharlary ushýǵa daıyndaldy. Týrısterge «ertegi murjalary» men ǵajaıyp jartastarymen tanymal Kappadokııa alqaptaryn kókten tamashalaý múmkindigi berildi.

Túrkııanyń Nevshehır provıntsııasyndaǵy tanymal týrıstik ortalyq Geremede áýe sharlarynyń sebetteri Túrkııanyń memlekettik týlarymen bezendirildi.

Áýe sharynyń ushqyshy Ahmet Bashııgıt jýrnalısterge 30 tamyzda atap ótiletin Jeńis kúnine oraı sátti ushýdy josparlap otyrǵandaryn aıtty.

— Biz áýe sharlaryn Túrkııa týlary arqyly sándedik. Biz barlyq qaharman sheıitterimiz ben ardagerlerimizdiń rýhyna taǵzym etemiz jáne olardyń esteligi dál osyndaı erekshe kúnderde de umytylmaıtynyna maqtan tutamyz, — dedi ol.

Týrıster bir saǵat boıy «Perıbadjalary» jáne tabıǵı jartas túzilisterimen tanymal alqaptardyń ústinen qalyqtap ushty.

Jeńis kúni — Túrkııa Respýblıkasyndaǵy eń mańyzdy ulttyq merekelerdiń biri. Bul kúni eldiń túkpir-túkpirinde túrli merekelik is-sharalar ótedi.

1922 jyldyń 26 tamyzynda Mustafa Kemal Atatúrik basqarǵan túrik armııasynyń shabýyly bastalyp, 30 tamyzda basqynshy áskerdiń talqandalýymen aıaqtalǵan bul oqıǵa álem tarıhyna «Uly shabýyl» retinde endi jáne batyrlyqtyń uly úlgileriniń biri retinde sanalady.

Osydan buryn Túrkııa prezıdenti Rejep Taıyp Erdoǵan eldiń óz radarlaryn basqarý jáne áýe shabýylyna qarsy qorǵanys júıelerin damytýǵa nıetti  ekenin málimdedi.