Jeńilip kórmegen qazaqstandyq boksshy Ózbekstan sportshysyn nokaýtqa túsirdi

ASTANA. KAZINFORM – Qazaqstandyq boksshy Álisher Ábdýálim (4-0, 2 KO) Tarazda ótken kásipqoı boks keshinde óner kórsetti, dep habarlaıdy Sports.kz. 

Ábdýálim ózbekstandyq Asrorbek Rahımovqa (6-3, 4 KO) qarsy shyqty. Bul jekpe-jek birinshi orta salmaqta ótip, segiz raýndqa josparlanǵan. Onyń qorytyndysy boıynsha qazaqstandyq jeńiske merziminen buryn jetti, ol qarsylasyn birinshi raýndta nokaýtqa jiberdi.

Osylaısha Álisher Ábdýálim kásipqoı rıngtegi besinshi jeńisine qol jetkizip, jeńilmeı keledi. Qarsylasyna kelsek, Asrorbek Rahımov kásipqoı mansabyndaǵy tórtinshi jeńilisine ushyrady.

Buǵan deıin bokstan eresekter arasyndaǵy el chempıonaty Semeı qalasynda ótetinin jazǵan edik.