Jeńil atlet Elızaveta Matveeva FBK Games týrnırinde altynshy oryn aldy

ASTANA. KAZINFORM — Jeńil atletıkadan Qazaqstan quramasynyń sportshysy Elızaveta Matveeva Nıderlandtyń Hengelo qalasynda ótken halyqaralyq FBK Games týrnırinde baq synap, altynshy orynǵa turaqtady.

Sportshy bıiktikke sekirý saıysynda el namysyn qorǵady.

Eń úzdik nátıjesi – 180 santımetr. Bul kórsetkish Matveevanyń jalpy esepte altynshy oryn alýyna múmkindik berdi.

Al aýstralııalyq Nıkolaı Olıslagers (197 sm) týrnır jeńimpazy atandy. Kúmis júldeni ıamaıkalyq Lamara Dıstın (190 sm) jeńip aldy. Qola medal Shvetsııa ókili Engla Nılsonǵa buıyrdy – 185 sm.

Aıta keteıik, jaqynda ótken Azııa chempıonatynda Elızaveta Matveeva Qazaqstan qorjynyna kúmis medal salǵan bolatyn.

Eske sala keteıik, buǵan deıin Elızaveta Matveeva Astanada ótken jeńil atletıkadan Astana Indoor Meet for Amin Tuyakov Prizes týrnırinde áıelder arasynda bıikke sekirýden 3-oryn alǵanyn jazǵan edik.