Jeńistiń 70 jyldyǵy: Áskerı paradty «Jas ulan» ashady
Vedomstvonyń málimetine qaraǵanda, 80 jasulandyq (9-10 synyp oqýshylary) tý ustaý toptarynyń sońyn ala, paradtyń tarıhı jáne zamanaýı bólimderiniń aldynda sap túzep ótetin bolady. Osy jas jetkinshekterge Qazaqstan Qarýly Kúshteri barlyq ásker túrleri men tekteriniń úzdik áskerı qyzmetshilerinen, elimiz joǵarǵy áskerı oqý oryndarynyń kýrsanttarynan quralǵan paradtyq eseptoptar, sondaı-aq QR Qarýly Kúshteriniń barlyq qarý-jaraǵy, áskerı jáne avıatsııalyq tehnıkasy ilesedi.
«Dástúr boıynsha áskerı paradty ulandar ashady. Barabanshylar rotasy qazaqstandyq armııanyń jas býynyn beınelep, paradtyń qarqyny men yrǵaǵyn qalyptastyrady. Ár ulandyq úshin paradqa qatysý - abyroıly is, Uly Otan soǵysyndaǵy urys dalasynda el bolashaǵy úshin erlikpen shaıqasqan dańqty babalaryna degen alǵysy men qurmetin kórsetý» - dedi Halyq Qaharmany, armııa generaly Saǵadat Nurmaǵambetov atyndaǵy «Jas ulan» respýblıkalyq mektebiniń bastyǵy Muhtar Maıkeev. Bul parad «Jas ulan» mektebiniń tárbıelenýshileri jáne basqa da qatysýshylar úshin rettik sany boıynsha besinshi jáne eń iri áskerı sherý bolmaqshy. Sondyqtan aıbyndy ofıtserlermen parad marshyn birge jasaý múmkindigi tek oqý úzdikteri men ozattaryna beriledi. Al qalǵandary úshin bul óziniń bilim deńgeıin, saptyq tártip pen daıarlyqty kóterýge yntalandyrady. Balalar qazir belsendi jattyǵý ústinde. Qazirgi ýaqytta olar jeke saptyq daıarlyq kýrsyn aıaqtap, biryńǵaı sap quramyndaǵy jattyǵýlarǵa kirisip ketti. Aldaǵy parad - qazaqstandyq armııanyń eń iri sherýi. Sondyqtan da, atalmysh shara barlyq jaǵynan ótken paradtardan oq boıy ozyq bolatyny jáne mereıtoı kúnine tolyq laıyq bolatyny sózsiz.
