Jeltoqsan aıyndaǵy merekelerde qosymsha poıyzdar qatynaıdy

ASTANA. KAZINFORM – Ulttyq tasymaldaýshy jolaýshylar suranysyn qanaǵattandyrý maqsatynda Táýelsizdik kúni men Jańa jyl merekesine oraı qosymsha poıyzdardy iske qosady. Bul týraly «Jolaýshylar tasymaly» AQ baspasóz qyzmeti málim etti.

Qosymsha poıyzdar kelesi baǵyttar boıynsha qatynaıdy:

№201/202 «Astana-Almaty» poıyzy:

— Astanadan: 2024 jyldyń 13, 16, 19, 22, 25, 28 jeltoqsany, 2025 jyldyń 1, 4 qańtary.

— Almatydan: 2024 jyldyń 14, 17, 20, 23, 26, 29 jeltoqsany, 2025 jyldyń 2, 5 qańtary.

№203/204 «Astana-Shymkent» poıyzy:

— Astanadan: 2024 jyldyń 13, 17, 20, 23, 26, 29 jeltoqsany, 2025 jyldyń 1, 4 qańtary.

— Shymkentten: 2024 jyldyń 14, 18, 21, 24, 27, 30 jeltoqsany, 2025 jyldyń 2, 5 qańtary.

№205/206 «Aqtóbe-Astana» poıyzy:

— Aqtóbeden: 2024 jyldyń 13, 16, 19, 22, 25, 28 jeltoqsany, 2025 jyldyń 1, 4 qańtary.

— Astanadan: 2024 jyldyń 14, 18, 21, 24, 27, 30 jeltoqsany, 2025 jyldyń 3, 6 qańtary.

Barlyq poıyzdarda kýpe jáne platskart vagondary bar.

2024 jyldyń 13 jeltoqsanynan bastap qosymsha elektr poıyzdary iske qosylady:

№7553/6811–6812/7556 «Qaraǵandy-Astana-Býrabaı kýrorty» elektrpoıyzy juma, senbi jáne jeksenbi kúnderi qatynaıdy.

№7509/6805–6806/7510 «Pavlodar-Astana-Býrabaı kýrorty» elektrpoıyzy aptasyna úsh ret, ıaǵnı juma, senbi jáne jeksenbi kúnderi qatynaıdy.

Qosymsha poıyzdar jolaýshylar úshin qolaıly oryn sanyn arttyryp, kórsetilgen baǵyttar boıynsha bıletterdiń qoljetimdiligin qamtamasyz etedi.

Bıletterdi bilet.railways.kz saıtynan nemese vokzal kassalarynan alýǵa bolady.

Qosymsha aqparatty «1433» tegin nómiri nemese resmı Instagram @jolaushylar_tasymaly paraqshasy arqyly bilýge bolady.

Aıta keteıik, Kólik mınıstri Marat Qarabaev Úkimet otyrysynan keıin ótken baspasóz máslıhatynda aldaǵy merekelerde poıyz bıleti qymbattamaıtynyn málimdegen edi.